Գարնանային նվերների 5 հետաքրքիր գաղափար

19/03/2020
գնորդի Admin Admin

Գարնանային նվերների 5 հետաքրքիր գաղափար

Մոտենում են գարնանային տոները, իսկ պատրաստվել անհրաժեշտ է նախապես։ Նույնիսկ փոքրիկ նվերը կամ մեկ փունջ մանուշակը կարող է գարնանային պայծառ օրը դարձնել անչափ հաճելի և գունեղ։ Մի ամբողջ ամիս դառնալու է կանանց տոն՝ մայրության, երիտասարդության, գեղեցկության ու սիրո մեկ ամիս։ Որպեսզի նվերի ընտրությունը նույնպես լինի հաճելի և արագ, առաջարկում ենք մի քանի հետաքրքիր գաղափար։




 1․ Քաղցրեղեն սիրում են բոլորը, անկախ տարիքից։ Իսկ գարնանն այն անհրաժեշտ է ուժ, եռանդ և պարզապես բարձր տրամադրություն ունենալու համար։ Սիրելիներին կարելի է նվիրել շոկոլադ, Ձեր ձեռքով պատրաստված փոքրիկ տորթ, անուշաբույր թխվածքաբլիթների տուփ։ Քաղցր գարնանային նվերը ավելի հաճելի է, երբ պատրաստում եք այն ինքներդ։ Վերցրեք սպիտակ տուփ, վրան փակցրեք կարմիր թղթե խաչ, լցրեք այն Ձեր սիրելի կոնֆետներով և դրաժեներով։ Գարնանային համեղ «Շտապ Օգնության» տուփը պատրաստ է։


2․ Մարդիկ բաժանվում են երկու տիպի՝ թեյի սիրահարներ, ի դեպ նրանք թեյ խմում են անկախ եղանակից, օրվա ժամից և գտնվելու վայրից, և սրճամոլներ, որոնց արթնանալու, աշխատելու և մտածելու համար անհրաժեշտ է ընդամենը մեկ բաժակ սուրճ։ Թեյի սիրահարի նվերը ընտրելիս ի նկատի ունեցեք, որ գարնանը հաճելի է խմել ծաղիկներով համեմված թեթև կանաչ թեյեր, կամ ռոյբուշի բուրավետ խառնուրդներ (աֆրիկյան բույս, որն ունի թարմեցնող ազդեցություն)։ Սրճամոլի նվերը նույնպես կարող է հաճելի անակնկալ դառնալ, քանի որ այսօր մասնագիտացված սուրճի խանութները առաջարկում են ոչ միայն ավանդական արաբիկա, ռոբուստայի տեսակներ, այլև մրգային համերով կամ համեմունքներով սուրճեր։ 


3․ Առօրյա եռուզեռից կտրվելու և հանգիստը վայելելու լավագույն միջոց է սպա սրահի այցելությունը։ Ընդամենը մեկ ժամ և Դուք լի եք նոր ուժերով ու եռանդով։ Սպա սրահի ծառայության տեսակ ընտրելու փոխարեն կարող եք գնել պարզապես նվեր քարտ, իսկ ծառայությունը կընտրի Ձեր սիրելին։ Ի դեպ այսպիսի նվերը շատ հաճելի անակնկալ կլինի նաև տղամարդկանց համար։


4․ Նվիրեք սիրելիներին արկածներով լի մեկ օր։ Միասին կարելի է գնալ արշավի, թռչել օդապարիկով, ճախրել պարապլանով կամ պարզապես այցելել ձիարշավարան։ Իսկ եթե նա էքստրիմի սիրահար չէ, կազմակերպեք կիրակնօրյա նախաճաշ բնության գրկում՝ քաղաքային այգիներից մեկում։ 


5․ Զարդերը հաճելի նվեր են անկախ եղանակից և տարիքից։ Գարնանը ընտրեք զարդեր համադրված նուրբ երանգներ ունեցող քարերի հետ։


Կարևոր է նաև նվերի փաթեթավորումը, որը կարող եք վստահել մասնագիտացված սրահներին կամ ինքներդ ձևավորեք։ 

Ընտրեք տաք գունային երանգներ, համադրեք ծաղկային գույները կամ դարչնագույնի երանգները կանաչ ժապավենների հետ։


Եվ մի մոռացեք Ձեր սիրելիներին արևոտ ու պայծառ ժպիտ պարգևել ամեն օր։

9 փաստ արծաթի օգտակար հատկությունների մասին

12/03/2020
գնորդի Admin Admin

9 փաստ արծաթի օգտակար հատկությունների մասին


Արծաթի մասին գիտեին դեռևս հազարամյակներ առաջ: Եգիպտոսում պեղվել են ավելի քան 6000 տարվա հնություն ունեցող արծաթե զարդեր: Հայաստանի հնավայրերից ևս հայտաբերվել են արծաթե զարդեր:
Արծաթն իր գոյության ընթացքում հատկապես գնահատվել է շլացուցիչ փայլի և գեղեցկության համար: Այսօր արծաթե զարդերը հայտնի դիզայներների հավաքածուներում առաջնային դիրք են զբաղեցնում: Ներկայացնենք մի քանի փաստ արծաթի մասին, որը կապացուցի նրա անփոխարինելի նշանակությունը մարդու կյանքում: 


Փաստ 1.
Ի տարբերություն այլ մետաղների՝ արծաթը գրեթե ամբողջությամբ անդրադարձնում է իր վրա ընկած լույսը: Այդ հատկության շնորհիվ այն օգտագործում են հայելիների արտադրությունում: Առաջին հայելիները եղել են արծաթե փայլաթիթեղները: 


Փաստ 2.
Արծաթի պատվին մեկ այլ թանկարժեք մետաղ ստացել է իր անունը, որը հայտնաբերվել է ավելի ուշ: Խոսքը պլատինի մասին է, որի անվանումը իսպաներենից թարգմանաբար նշանակում է «փոքր արծաթ»: 


Փաստ 3.
Արծաթի հակաբակտերիալ հատկությունների շնոհիվ այն կիրառում են ջուրը վարակազերծելու համար: Պարզվում է՝ միջազգային տիեզերակայանում կիրառվում է միայն արծաթով վարակազերծված ջուր:

Փաստ 4.

Հնդկաստանում մարդիկ կուրորեն հավատում են արծաթի առողջարար հատկությանը: Նույնիսկ արծաթ են կիրառում սննդի մեջ: Ծիսական քաղցրավենիքները զարդարում են արծաթե փայլաթիթեղով: Այն ոչ միայն կարելի է ուտել, այլև շատ առողջարար է իր հակաբակտերիալ հատկություններին շնորհիվ: 


Փաստ 5.
Արծաթի հակաբակտերիալ հատկություններն օգտագործում են նաև օդի մաքրման համար: Ճապոնիայում արծաթ կիրառում են օդափոխիչների պատրաստման համակարգերում, արծաթի շնորհիվ այդ օդափոխիչները ամբողջությամբ անվնաս են մարդու առողջության համար:

Փաստ 6.
Դեռևս հնագույն Եգիպտոսում պատերազմների ժամանակ զինվորներն իրենց հետ վերցնում էին արծաթե սալիկներ. վիրավորվելիս այն դնում էին վերքի վրա՝ կանխելով բորբոքային և վարակիչ պրոցեսները: 


Փաստ 7.
Արծաթը կիրառել են նաև ատամնաբուժության մեջ: Շվեյցարիայում արծաթե դրամը դնում էին ցավող ատամին, և ցավը աստիճանաբար անցնում էր:

Փաստ 8.

Արծաթը ամեն մարդու վրա յուրօրինակ գույն է ստանում, այն մարդու մարմնի հետ փոխազդեցության մեջ է մտնում և յոււրաքանչյուրի վրա յուրովի տեսք ստանում:

Փաստ 9.
Արծաթե զարդեր կրողները պետք է իմանան, որ այն մարդու առողջության վրա շատ լավ ազդեցություն ունի: Բայց ոչ ոք չի էլ պատկերացնում, թե որքան ուժեղ է արծաթի ազդեցությունը: Հատուկ հետազոտությունների արդյունքում պարզվել է, որ արծաթը ամրապնդում է մարդու նյարդային և սրտանոթային համակարգերը, անց է կացնում գլխացավերը, հանգստացնում նյարդերը, օգնում հաղթահարել սթրեսը: 

Խորհուրդ է տրվում ամեն օր կրել արծաթե զարդեր: Դրանք Ձեզ կօգնեն լինել ոչ միայն յուրօրինակ և հմայիչ, այլև խաղաղ, հանգիստ և առողջ:

Ինչպես կրել և ինչպես ընտրել զարդերը

01/03/2020
գնորդի Admin Admin


Ինչպես կրել և ինչպես ընտրել զարդերը


Հենց գարնանը և ամռանն ենք գեղեցիկ սեռի ներկայացուցիչներին տեսնում իրենց ողջ հմայքով, իսկ այդ հմայքը նրանց հաղորդում է ոչ միայն ճիշտ ընտրված հագուստը, այլև համապատասխան զարդերը: 


Ինչպես նախորդ, այս տարի գարնանը ևս թրենդային կլինեն մասսայական պլաստմասե ուլունքները, մեծ կլիպսները և ոտքերի նուրբ շղթաները: Ցանկության դեպքում կարող եք համադրել որակյալ բիժուտերիան և թանկարժեք զարդերը: Ուղղակի պետք է հիշել, որ դրանք լինեն նույն ոճի մեջ և նույնիսկ նույն գույնն ունենան: 


Ինչպիսի զարդեր կրել Ձմռանը


Եթե ցանկանում եք Ձեր կերպարն ամբողջացնել մեծ և վառ զարդերով, նախընտրեք այդ դեպքում կրել միայն մեկ զարդ:


Բարդ կառուցվածք և հագեցած գույն ունեցող բիժուտերիան պետք է կրել պարզ միատոն հագուստների հետ: 


Եթե ցանկանում եք ակցենտավորել դեկոլտեն կամ պարանոցը, ապա լրացրեք կերպարը նրբագեղ կախազարդով:


Հիշեք, եթե օգտագործել եք մեծ չափեր ունեցող մատանի, ապա ապարանջանը պետք է լինի ավելի համեստ: 


Ինչպես կրել արծաթյա զարդեր

Արծաթյա զարդը բավական գեղեցիկ է և էլեգանտ: Այն կնոջը նրբացնում և երիտասարդացնում է: Արծաթյա մատանիները, ապարանջանները, կախազարդերը լավ է կրել կեսօրին: Հենց կեսօրի լույսի տակ է երևում, թե որքան գեղեցիկ և բնական են այդ զարդերը: Այս տարի շատ թրենդային են արծաթյա զարդերը կիսաթանկարժեք քարերի համադրությամբ:


Արծաթյա զարդերը կարող եք հանգիստ համադրել և՛ խիստ դասական բաճկոնի, և՛ թեթև կոկտելային, և՛ շքեղ երեկոյան զգեստի հետ: 


Ինչպես ընտրել արծաթյա զարդերը


Ընտրեք զարդեր պարտադի՛ր հաշվի առնելով ձեր կառուցվածքը:


Հիշե՛ք՝ փոքր արծաթյա ականջօղերը բավական խոշորացնում են դեմքը:


Պարանոցը կգեղեցկացնի արծաթյա տարածական կոլիեն դեկորատիվ ապարանջանով:


Եթե ցանկանում եք, որ ձեռքերը նուրբ երևան, ապա ընտրեք ոչ շատ արտահայտիչ մատանիներ:


Եվ վերջում՝ չմոռանաք հետևել թրենդներին և լինել միշտ նրբագեղ և նորաոճ: